最近東京已成為藝人拍拖勝地，繼日前《蘋果》踢爆朱敏瀚秘撻華姐冠軍余思霆後，31歲大台力捧小生張振朗(Owen)近日又孖住對台ViuTV小花、25歲有「巨咪妍希」之稱的楊偲泳蜜遊東京。
日前《蘋果》讀者王小姐透過「爆相爆片」，表示在5月5日晚11時半左右，見到Owen與偲泳在新宿一齊行家品店，二人情侶裝現身，同穿黑色外套，十分低調。
相片所見，Owen似乎早有斬獲，膊頭孭住一個載有運動波鞋的黑色袋，而偲泳入店舖後就好奇周圍望，一時睇護膚品，一時睇卡通襪，而Owen都好有耐性站在女友身後，間中還有給予意見。讀者王小姐說：「佢哋好似普通情侶行街，冇拖手嘅，但有講有笑，見到人影相，個樣就有少少尷尬。」
沒有留言:
張貼留言